പാച്ചേനി ഇനി പ്രിയ്യപ്പെട്ടവരുടെ മനസിലെ ഓര്‍മ മാത്രം. ധീരനായ പത്രപ്രവര്‍ത്തകന്‍ സ്വദേശാഭിമാനി രാമകൃഷ്ണപിള്ളയുടെ സ്മൃതി കുടീരത്തിന് സമീപത്താണ് പാച്ചേനിക്ക് അന്ത്യവിശ്രമം ഒരുക്കിയത്. പതിറ്റാണ്ട് കാലം കോണ്‍ഗ്രസ് ദര്‍ശനങ്ങള്‍ക്ക് തന്റെ ജീവിതം തന്നെ സമര്‍പ്പിച്ച കോണ്‍ഗ്രസ് വിപ്ലവകാരി ഇനി പയ്യാമ്പലത്തെ നിത്യ സ്മാരകങ്ങളില്‍ ഒന്നായിതീരും. രാവിലെ ആറുമണിയോടെയാണ് സതീശന് പാച്ചേനിയുടെ ഭൗതികശരീരം ഡിസിസി ഓഫീസില്‍ എത്തിച്ചത്. മൃതദേഹം എത്തുമ്പോഴേക്കും നൂറുകണക്കിന് പാര്‍ടി പ്രവര്‍ത്തകര്‍ ഓഫീസില്‍ ഒത്തുകൂടിയിരുന്നു. സംസ്ഥാനത്തിന്റെ വിവിധ ഭാഗങ്ങളില്‍ നിന്നായി വിവിധ രാഷ്ട്രീയ പാര്‍ടി പ്രവര്‍ത്തകരും നേതാക്കളും സതീശന് അന്തിമോപചാരമര്‍പ്പിക്കാന്‍ ഓഫീസിലേക്ക് ഒഴുകിയെത്തി.
പ്രിയപ്പെട്ട നേതാവിന്റെ ഭൗതിക ശരീരം കണ്ട് പലരും വിങ്ങിപ്പൊട്ടി. ചിലര്‍ വിതുമ്പി കരഞ്ഞു. ഹൃദയഭേദകമായ കാഴ്ചയായിരുന്നു ഡിസിസി ഓഫീസില്‍ ഉണ്ടായിരുന്നത്. കുട്ടികളും സ്ത്രീകളും വൃദ്ധന്മാരും അടക്കം ആബാലവൃദ്ധം ജനങ്ങളാണ് സതീശന് അന്തിമോപചാരമര്‍പ്പിച്ചത്. രാഷ്ട്രീയ കേരളത്തിന്റെ പരിച്ഛേദം തന്നെ ആയി കണ്ണൂര്‍ ഡിസിസി ഓഫീസ് മാറി. എല്ലാ രാഷ്ട്രീയ പാര്‍ടികളുടെയും സംസ്ഥാന ജില്ലാ നേതാക്കള്‍ പ്രാദേശിക പ്രവര്‍ത്തകര്‍ അടക്കം ഡിസിസി ഓഫീസില്‍ എത്തിയിരുന്നു. രാഷ്ട്രീയ വൈര്യം മറന്ന് രാഷ്ട്രീയത്തിലെ സൗമ്യഭാവന്‍ ആയിരുന്ന സതീശന് പാച്ചേനിക്ക് ആദരാഞ്ജലികള്‍ അര്‍പിച്ചു.
Keywords: Latest-News, Kerala, Kannur, Top-Headlines, Politics, Political-News, Congress, Obituary, Satheeshan Pacheni, Payyambalam Beach, Last rites of Satheeshan Pacheni held at Payyambalam beach.
< !- START disable copy paste -->