Mundo henter pronto lo cera conoci cu un produccion masivo cu lo sacudi e industria cu un combo inigualabel. Esaki unicamente por a wordo realisa na Aruba su lamanan bunita conhuntamente cu Aruba su orguyo nacional JEON.
Artista y cantante Carlos Arroyo cu tambe ta reconoci den su carera como un atleta den liganan profesional di Basketball (NBA) cu recientemente a explota den e industria musical urbano, a colabora conhuntamente cu JEON den un produccion exclusivo cu ta premira di ta un exito total!
“Surfing”, e tema aki su ritmo a wordo composita por medio di “Jhon Paul El Increibel” y JEON a realisa e produccion. Nos idioma Papiamento un bes mas lo resona den un escala mundial conhuntamente cu Jeon su tema di mas nobo “Surfing”.
Mientras cu JEON y Carlos Arroyo tabata produciendo e video-clip na Hadicurari Beach, nan a ricibi bishita di Minister di Turismo y Salud Publico Dangui Oduber kende a expresa su alegria pa JEON y Carlos Arroyo su bishita na Aruba pa promove nos isla riba tereno internacional.
