Կառավարության նիստը վերջանալուն պես Մայրանուշ Երանոսյանը բենզինով լի շիշը ձեռքին մոտեցավ կառավարության դռներին ու փորձեց ինքնահրկիզվել: Որքան էլ կառավարության շենքի անվտանգության աշխատակիցները, ոստիկանները կնոջը համոզում էին հետ կանգնել այդ մտադրությունից, չէր նահանջում: Մի ձեռքում բենզինով լի շիշն էր, մյուս ձեռում՝ կրակայրիչը: Հենց ոստիկանները մոտենում էին՝ կինը սպառնում էր բենզինը լցնել վրան:
Կինը պատմեց, որ որդին 8 ամիս է՝ կոմայի մեջ է, գիտակցության չի գալիս եւ առ այսօր իր համար «մութ» է՝ որդու վթարը սպանությա՞ն փորձ էր: Դիմել է իրավապահներին, բայց դիմումների պատասխանները իրեն չեն գոհացրել: Ասաց, որ վարչապետ Փաշինյանին էլ է նամակ գրել, սակայն մնացել է անպատասխան: Նա պահանջում էր տեսակցություն Փաշինյանի հետ:
Մանրամասները՝ տեսանյութում
Կարդացեք նաև
Մինչ ոստիկանները համոզում էին Մայրանուշ Երանոսյանին շիշը տալ, մոտեցավ կառավարության նամակների բաժնի ղեկավարը՝ Ալեքսանդր Ղազարյանը եւ կնոջը հրավիրեց ներս՝ հարցին ծանոթանալու:
Լուսինե ԲՈՒԴԱՂՅԱՆ