Իզուր են մեծամասնության կոչերը՝ ուղղված ընդդիմությանը, որ քվեարկեն կողմ այս համաձայնագրերին: Կան չգրված կանոններ, ժողովուրդ ջան, ընդդիմությունը, որպես կանոն, կողմ չի քվեարկում, բյուջեին, կառավարության ծրագրին, վարկային միջոցներին: Էս նորմալ է, մենք էլ որ ընդդիմություն լինենք վաղը, մյուս օրը, մենք էլ ենք էդպես անելու: Իրականում այստեղ փաստարկները կապ չունեն, վերնագիրը վարկային համաձայնագիր է՝ ընդդիմությունը պիտի քլնգի»,- այսօր ԱԺ-ում վարկային համաձայնագրերի քննարկման ժամանակ այսպես ելույթ ունեցավ ԱԺ նախագահ Արարատ Միրզոյանը՝ արձագանքելով իմքայլականների եւ ընդդիմադիր պատգամավորների միջեւ վիճաբանությանը:
Միրզոյանի խոսքով՝ «Այս վարկային համաձայնագրերի կոնտեքստը քաղաքական է, մեր գործերն այնքան լավ են, որ մեզ առաջարկում են շատ էժան փող: Մենք էնպիսի առաջընթացներ ենք արձանագրել տարբեր բարեփոխումներով, մեր երկրի վստահությունը, կանխատեսելիությունը եւ ընդունելիությունը միջազգային գործընկերների համար այնքան է աճել, որ իրենք գիտեն՝ թեեւ մենք պարտք ենք իրենց փող 5 տոկոսով, իրենք մեզ առաջարկում են պայմանական ասած 1,6 տոկոսով: Իրենք գիտեն, որ մենք մեր փողը պետք է դնենք տնտեսության մեջ, նոր ենթակառուցվածքներ եւ այլն, տնտեսությունն աշխուժացնենք, եւ մյուս միջոցներից տանելու ենք 5 տոկոսանոց իրենց վարկը փակենք: Սա ակնհայտ եւ աներկբա, անքննելի շահավետ տարբերակ է ՀՀ-ի համար: Հիմա հրաժարվել էս տարբերակից ուղղակի աբսուրդ է»:
Ինչ վերաբերում է անհանդուրժողականության մթնոլորտին, որի մասին խոսեց Նաիրա Զոհրաբյանը, Արարատ Միրզոյանն ասաց, որ երկուստեք պիտի կարմիր գիծը չանցնեն:
Հռիփսիմե ՋԵԲԵՋՅԱՆ
Հարգելի ընդիմություն,ժամանակակից աշխարհում ժողովրդավար են համարվում այն երկրները,որոնք վարկեր են վերցնում Համաժխարհային Բանկից կամ Միջազգային Վալյուտային Ֆոնդից՝այդ վարկերի միջոցով են վերահսկվում բազմաթիվ երկրների կառավարություններ,անպես որ մեզ պարտադրում են վարկեր վերցնել:Օրինակ,այն օրից,ինչ Ռուսաստանը զրոացրեց վարկերի պարտքերը այդ կազմակերպություններից,այդ օրվանից նրանք համարվում են ոչ ժողովորդավար երկիր:Հին կտակարանում հրեաին ասում են՝եթե եղբայրդ է պարտքով փող ուզում տուր նրան առանց տոկոսի,եթե մեկ այլ մարդ է ուզում,տուր նրան պարտքը տոկոսով և նա չի կարողանա վերադարձնել ու կդառնա քո ստրուկը…