Dialuna mainta trempan prome cu 7 or gai cora a canta na Mahuma despues cu habitantenan a mira basta huma ta sali for di e tereno a raporta na autoridad. Na yegada di brandweer a drenta accion di biaha debi cu full e cas paden tabata na candela. Polis tambe tabata presente pa ta na altura. Mientras cu e doño di cas tabata den exterior. Bomberonan a lucha cu e candela grandi aki y a domina esaki. Recherche tambe a presenta na e sitio hunto cu departamento forensico y e OVD di brandweer pa haci investigacion y determina unda e candela aki lo a cuminsa.