Թուրքիայի նախագահ Ռեջեփ Թայիփ Էրդողանը հայտարարել է, որ չի մոռանա ԱՄՆ նախագահ Դոնալդ Թրամփից ստացած նամակը, որը «քաղաքավարության հետ ոչ մի կապ չունի» և հավելել, որ այդ հարցն այժմ օրակարգում չէ:
«Իհարկե մենք չենք մոռացել Թրամփի նամակը, որը ոչ մի կապ չունի քաղաքավարության հետ: Բայց մեր փոխադարձ հարգանքը թույլ չի տալիս հարցը պահել օրակարգում: Մենք առաջնային նշանակություն չենք տալիս դրան: Բայց երբ ժամանակը գա, կարվի այն ամենը, ինչ պետք է»,-ասել է Էրդողանը Ստամբուլում ելույթի ժամանակ:
Հիշեցնենք, որ ԱՄՆ նախագահ Դոնալդ Թրամփը նամակ էր ուղարկել իր թուրք գործընկերոջը հոկտեմբերին 9-ին՝ Սիրիայում թուրքական ռազմական գործողության մեկնարկի օրը: Թրամփն Էրդողանին առաջարկել էր համաձայնության գալ Սիրիայում ստեղծված իրավիճակի շուրջ, հակառակ պարագայում ԱՄՆ նախագահը կրկին սպառնացել է ոչնչացնել Թուրքիայի տնտեսությունը: Թրամփը նաև Էրդողանին խորհուրդ էր տվել հիմար չլինել:
Պատրաստեց՝ Վիկտորյա ԱՆԴՐԵԱՍՅԱՆԸ
Կարդացեք նաև
