Minister di Enseñanza Rudy Lampe ta duna informacion di e caba di funda e stichting Leerorkest Aruba cu ta danki cu cooperacion cu colega Minister Andin Bikker. Minister Lampe a bisa cu parti di e apoyo pa cu esaki ta bai bini tambe di parti ministerio di husticia di Hulanda pa loke ta e introduccion di les di musica como actividad extra curicular den scolnan di Aruba. Minister Lampe a mustra cu tin masha hopi entusiasmo pa cu esaki y siman pasa caba na oficina di Notaris Tromp a formaliza e “oprichting” y e prome directiva fundador di e fundacion aki pa cual tin hopi expectativa den veld pa e proyecto inovativo aki. E intencion ta pa introduci lesnan di musica den nos scolnan riba un base mas regular cual sigur ta algo sumamente bon pa desaroyo di nos muchanan.