Durante e ultimo lunanan nos a bin ta experienciando cambionan climatico incomfortabel na Aruba. Nos a pasa di un temporada di secura y di calor extremo, pa un temporada cu diferente yobida tras di otro. Pero, e cambionan climatico cu nos ta experiencia na Aruba lo por tin un relacion cu e temporada di horcan? Pakico Aruba no tin record di e pasada directo di un horcan pa tanto decada caba? Tur esakinan y mas ta informacionnan cu sr. Dave Barkmeyer di Meteo Aruba lo duna duranta e programa Punto Informativo.
Punto Informativo ta un programa di Ministerio di Transporte, Comunicacion y Sector Primario, cu e meta pa mantene nos audiencia debidamente informa di tur loke ta acontece den cada departamento cu ta resorta bou maneho di Minister Chris Romero.
No perde e edicion di e siman aki di Punto Informativo cu lo wordo presenta diamars awo na Telearuba pa 7:55 di anochi, net prome cu Telenoticia. Bo por mira e edicion aki y tur otro edicion anterior di Punto Informativo riba e pagina di Facebook: Ministerio di Transporte, Comunicacion y Sector Primario Aruba.