Roos Rijnaardt & Nichole Danser di Scrubble Bubbles Foundation a haci un bishita di cortesia y orientacion na Aruba Ocean Villas na unda Osyth Henriquez a intercambia di idea riba e proyecto cu e boutique hotel aki tin riba e transplante y procreacion di e coral nan den e lama. Scrubble Bubbles Foundation ta un Grupo di hobennan cu ta bucea no unicamente pa divert I nan mes sino nan ta enfoca riba restoracion di e rif di coral nan den nos lama aki na Aruba. Aruba Ocean Villas ta aprecia e trabounan cu e organisacion aki ta desplegando y como muestra di aprecio, lo bai otorga 10 dollar di donacion na Scrubble Bubbles Foundation cu cada tas cu Ocean Villas bende. E tasnan ta upcycled y nan ta disena y traha na e resort mes cu retaso di cortina y cusinchinan. Scrubble Bubbles a keda Sumamente contento cu e donacion y a keda di sigui den contacto y colabora cu Aruba Ocean Villas riba ideanan y conseho en general di e coralnan. Riba e potret Sra Osyth Henriquez di Ocean Villas hunto cu Nichole Danser y Roos Rijnaardt di Scrubble Bubbles cu algun di e tasnan upcycled disena y traha na e resort