«Ամեն ինչ պատկանում է ժողովրդին՝ իր պետության միջոցով: Ժողովուրդը պետք է դրության տերը լինի: Դա հռչակագրի՝ այսօր մեզ պարտադրած կարեւորագույն դրույթներից է: Այսօր մի կարեւոր հարց կա: Որպեսզի երկիրն իր հարստությամբ պատկանի ժողովրդին, քաղաքացին պետք է երկրի տերը լինի: Հեռացված ռեժիմի գրած Սահմանադրության չես կարող կատարել այդ առաքելությունը»,-լրագրողների հետ զրույցում այսօր հայտարարեց ԱԻՄ առաջնորդ Պարույր Հայրիկյանը: Նա կուսակիցների հետ Մելիք Ադամյան փողոցում էր:
Հիշեցնենք, որ 1990թ.-ի այս օրը՝ օգոստոսի 23-ին, ընդունվել է Հայաստանի անկախության հռչակագիրը: «Նախորդ ռեժիմը հեռացվեց ժողովրդի համընդհանուր աջակցությամբ, բայց ինչպե՞ս կարելի է հեռացված իշխանության հիմնական օրենքը՝ Սահմանադրությունը, պահպանել, շարունակել ապրել այդ օրենքով»,-դիմելով ՀՀ իշխանություններին՝ ասաց Հայրիկյանը: «Ինչով ուզում են՝ զբաղվեն. եթե Սահմանադրությանը չեն անդրադառնում, նշանակում է՝ նախորդ, իրենց իսկ կողմից մերժված ռեժիմի գործը շարունակողն են, հոգեբանական ստրուկը»,-նշեց նա:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
