(ඩී.ජී.සුගතපාල)
ගාල්ල වරාය ආසන්න මුහුදේ ඇවන්ගාඩ් නෞකාවේ පාවෙන අවි ගබඩාවක් පවත්වාගෙන යාම සම්බන්ධ නඩුවේ 4, 5, 6 සහ 7 වන සැකකරුවන් තවදුරටත් ලබන මස 6 දක්වා රිමාන්ඩ් බන්ධනාගාර ගත කිරීමට ගාල්ල අතිරේක මහේස්ත්රාත් පවිත්රා සංජීවනි පතිරණ මහත්මිය අද(23) නියෝග කළාය.
මෙසේ තව දුරටත් රිමාන්ඩ් බන්ධනාගාර ගත කරනු ලැබුවේ 4 වන සැකකාර රක්නා ලංකා සමාගමේ සභාපති වික්ටර් සමරවීර, 5 වන සැකකාර විශ්රාමික මේජර් ජනරාල් පාලිත වඩුගේ පියසිරි ප්රනාන්දු, 6වන සැකකාර විශ්රාමික මේජර් ජනරාල් කරුණාරත්න බණ්ඩා අධිකාරි එගොඩවෙල සහ 7වන සැකකාර පොලිස් කොමිසමේ ලේකම් සමන් දිසානායක යන සැකකරුවෝ සිව් දෙනා වෙති.
සමන් දිසානායක යන සැකකරු මෙයට පෙර නඩුදිනවල අධිකරණයට ඉදිරිපත් නොකළ අතර ජයවර්ධනපුර රෝහලේ ප්රතිකාර ලබමින් සිටි ඔහු අද බන්ධනාගාරය විසින් අධිකරණයට ඉදිරිපත් කළේය.
මෙහිදී 7වන සැකකරු වෙනුවෙන් පෙනී සිටි නීතිඥවරයා තම සේවාදායකයාට ජයවර්ධනපුර රෝහලේම ප්රතිකාර ලබා ගැනීමට අවස්ථාව ලබා දෙන ලෙස ඉල්ලා සිටියේය.
එවිට දැඩි ආරක්ෂාවක් යටතේ සැකකරුවන් ගෙන ඒමට සිදුව ඇති නිසා සැකකරුවන් බන්ධනාගාර රෝහලේ නතර කිරීමට නියෝගයක් නිකුත් කරන ලෙස බන්ධනාගාරය ඉල්ලා සිටියේය.
එම ඉල්ලීම් ප්රධාන මහෙස්ත්රාත්වරයා හමුවේ ඉදිරිපත් කරන ලෙස නියෝග කළ අතිරේක මහේස්ත්රාත්වරිය එතෙක් දැනට පවත්වාගෙන යන ආකාරයටම පවත්වාගෙන යන ලෙසද නියෝග කළාය.
නීතිවිරෝධි ගිනි අවි ප්රවාහනය කරමින් සිටියදි ගාල්ල වරාය ආසන්නයේදී ශ්රි ලංකා නාවික හමුදාව විසින් 2015 ඔක්තෝබර් 13වනදින ඇවන්ගාඩ් නෞකාව අත්අඩංගුවට ගෙන වැඩිදුර පරීක්ෂණ සඳහා අපරාධ පරීක්ෂණ දෙපාර්තමේන්තුවට බාර දෙන ලදි. ඒ අනුව කරන ලද පරීක්ෂණවලදි නැවේ තිබී ටී 56 ගිනි අවි 549ක්, 84 එස්. වර්ගයේ ගිනි අවි 264ක්, එල්.එම්.ජී.ගිනි අවි දෙකක් සහ උණ්ඩ 204604ක් සොයාගෙන ඇත.
සැකකරුවන් වෙනුවෙන්, නීතිඥ අජිත් පතිරණ, හරිත් හෙට්ටිආරච්චි යන මහත්වරු ඇතුළු නීතිඥවරුන් පිරිසක් පෙනී සිටි අතර අපරාධ පරීක්ෂණ දෙපාර්තමේන්තුවේ පොලිස් පරීක්ෂක සෙනරත් මහතා පැමිණිල්ල වෙනුවෙන් කරුණු දක්වන ලදී.
චීන කොමියුනිස්ට් පක්ෂයේ ජාත්යන්තර කටයුතු දෙපාර්තමේන්තුවේ නියෝජ්ය අමාත්ය සන් හයියන් (Sun Haiyan) මහත්මිය ඇතුළු චීන දූත පිරිස සහ දේශගුණික විපර්යාස පිළිබඳ
ඉරානය සහ ශ්රී ලංකාව අතර ද්විපාර්ශ්වික සබඳතා ශක්තිමත් කිරීමේ අරමුණින් අවබෝධතා ගිවිසුම් (MoUs) පහකට අත්සන් තැබූ බව ජනාධිපති කාර්යාලය පවසයි.
ශ්රී පාද උඩමළුව ආසන්නයේ රත්නපුර මාර්ගයේ ආරක්ෂක වැටකින් පහළට පැන ඉකුත් (19)දා සිට අතුරුදන්ව සිටි තරුණයා දින (05)කට පසුව නල්ලතන්නිය පොලිස් වසමට අයත්, රාජමල
ජනාධිපති රනිල් වික්රමසිංහ මහතා ඉදිරි ජනපතිවරණයට තරඟ කරන බවට නිල වශයෙන් ප්රකාශයට පත් කිරීමෙන් පසු පොදු ජන පෙරමුණේ ජනාධිපති ධුර අපේක්ෂකයා සම්බන්ධයෙ
දකුණේ ප්රබල දේශපාලනඥයකු තරග විභාගයකින් තොරව කොරියා රැකියා දෙන බව පවසා තරුණයන් 500කගෙන් රුපියල් කෝටි දෙක හමාරකට ආසන්න මුදලක් ලබාගෙන ඇතත් තවමත් රැකියා
පාර්ලිමේන්තු සභා ගර්භයේ සඟවා තිබී පාස්කු දා ප්රහාරය සම්බන්ධ විරෝධතා පාඨ සහිත පුවරු හතක් පොලිස් විශේෂ කාර්ය බළකා නිලධාරින් පිරිසක් විසින් අද (24) පෙරවර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇවන්ගාඩ් සැකකරුවන් 4ක් තවදුරටත් රිමාන්ඩ්
Bishan Friday, 23 August 2019 01:38 PM
අයියෝ රණවිරුවන්...