Kralendijk – Den luna di sèptèmber lo kuminsá ku un investigashon preliminar (pilot) pa e investigashon di poblashon di kanser na pechu na Boneiru. Durante 6 luna lo invitá un grupo di 750 hende muhé pa nan laga tèst nan mes riba kanser na pechu.
Un investigashon di poblashon ta un saminashon médiko grátis pa detektá malesa tempran. Esei ta sosodé pa medio di un tèst (screening): investigashon periódiko durante un tempu mas largu. Pa e Tèst di Kanser na Pechu ta trata pa anualmente hasi un mamografia (x-ray) serka 1500 hende muhé for di 50 aña. Ta hasi esaki pa por wak si por tin kanser na pechu, promé ku e persona mes ripará algu di esei. Kada dos aña e personanan akí ta risibí un invitashon te ora nan alkansá e edat di 75 aña.
Kanser na Pechu ta e forma di kanser mas komun serka hende muhé. Intenshon di e investigashon di poblashon di kanser na pechu ta pa deskubrí kanser na pechu mas tempran posibel. Mas tempran diskubrí kanser na pechu, mas mihó. E chèns e ora ei ta grandi ku e tratamentu ta resultá eksitoso. Tambe hopi biaha e tratamentu no mester ta asina riguroso.
Ministerio di Salubridat, Bienestar i Deporte (VWS) a duna enkargo pa e investigashon preliminar akí. Lo traha estrecho ku Entidat Públiko Boneiru (OLB), hòspital di Fundashon Mariadal, e ofisina di seguro di kuido (ZVK), dòkternan di kas lokal i e sentro pa investigashon di poblashon di RIVM.
Pa mas informashon wak riba e wèpsait www.screeningkansernapechu.com òf manda un e-mail pa [email protected].