Diadomingo den careda di 5:30 atardi central di Polis a keda notifica door di centro di alarma cu tin un turista a haya su mes den problema den awa entre Aruba Beach Club y Manchebo. Na yegada di patruya a encontra cu e personal di ambulans den reanimacion na canto di lama. Ta trata di un turista homber nacionalidad Mericano. Lamentablemente no por a haci mucho pa e turista y pa 6:20 atardi Dr Texier a constata morto di e turista B.D.K naci na Merca 67 aña. Polis forensico, recherche y slachtofferhulp a presenta na e sitio di e sucedido.