Diadomingo merdia mayornan den panico a bati alarma unda dos mucha riba un bodyboard ta bayendo afo den lama bruto cu e biento fuerte cu tabata tin. Polis cu urgencia a presenta na e sitio, y a notifica polis maritimo tambe. Un boto cu a mira e movecion di un hende grandi cu a drenta lama tambe bay afo a cuminsa bay den e direccion ey. E boto basta lihe a yega na e criaturanan cu tabata drief, y a rescatanan y e tata. Ambulans tambe a presenta pa un control. Tur cos tabata bon cu e muchanan pero spanta di e sucedido.