HONG KONG (China) – For di diadomingo siman pasa, miles di persona a sali riba caya di e ciudad den rechaso di e medida polemico.
E hefe ehecutivo di Hong Kong, Carrie Lam, a anuncia diasabra e decision di retrasa pa tempo indefini e proyecto di ley, cu si e wordo aproba door di autoridadnan local, lo permiti e region aki pa entrega sospechoonan di e crimen na e resto di China incluyendo e parti continental di e pas, e islanan Taiwan y Macao.
Legisladornan tabata planea pa celebra e votacion riba e medida diaranson, 12 di jui, pero debi na protestanan masivo a pospone e debate aki ta cu otro aviso.
“Despues di varios deliberacionnan interno a lo largo di e ultimo dos dianan, awo mi ta anuncia cu gobierno a dicidi na suspende ehercicio di e enmienda legislativo, ta reinicia nos comunicacion cu tur e sectornan di e sociedad, haci trabounan mas explicativo y scucha diferente posturanan di sociedad”, e lider di Hong Kong a declara, cu ta conta cu’n apoyo grandi di Beijing.
Desde 9 di juni miles di residente di Hong Kong a manifesta su rechaso energetico na e ley polemico aki. Segun calculonan di autoridadnan, den e protestanan a participa 240 mil persona, pero organisadornan di e congregacion ta calcula e cantidad di manifestantenan den mas di un miyon, cual lo nifica cu shete di cada diez habitante di Hong Kong a subi caya.