Diasabra den careda di 3:45 marduga central di Polis ta keda informa di un accidente basta grave riba e caminda principal di Pos Chikito pa Savaneta net dilanti di La granja unda auto y scooter ta envolvi.
https://www.facebook.com/masnoticia/videos/641929196309643/
Patruya ta yega y topa cu dos auto envolvi y un persona masculino benta abou cu tabata riba scooter. E motociclista tabata benta bou di auto y a keda saca di biaha. Paramediconan a atende cune rapidamente e situacion di e homber tabata critico. Un banda di man a keda benta meternan leu for di e curpa. Ambulans a bay cu e victima hospital y eynan el a bin fayece debi na e slanan fuerte y pa 4:39 am dokter a constata morto di e hoben. Na e sitio polis di trafico tabata haci nan investigacion, a pone e chauffeurnan di auto supla y ambos a keda deteni debi cu tabata tin alcohol den nan sistema.
Segun chauffeur di e mitsubishi E scooter mes tabata bahando for di pariba y e coredo a bay den banda contrario dal den e mitsubishi cu tabata bayendo ariba basta duro pa despues sigui bin abou dal den un suzuki bayendo abou. Caminda a keda cera pa basta ora pa specialista di trafico haci nan investigacion completo. Camara di siguridad y testigo ta loke por bisa e realidad kico a sosode.
Esaki ta bira e di 7 morto den trafico. Edmard Lampe. paz na su restonan.