- A deputada do BNG, Olalla Rodil manifestou a súa satisfacción tras acadar un acordo, que ao seu xuízo, resolve de maneira favorable as demandas das familias sobre a inseguridade viaria do estudantado da zona
A deputada do BNG, Olalla Rodil acadou hoxe un acordo, “por unanimidade” na Comisión de Educación e Cultura que obriga ao Parlamento a instar á Xunta de Galiza a: “Estudar a modificación da actual parada do transporte escolar ao seu paso por Vilaño, A Laracha, na DP-2404, ate un punto da mesma calzada onde se poida garantir maior seguridade das crianzas, vehículos e mesmo peóns."
Como valoración política desde o BNG dixo a deputada, aledámonos de poder ter acadado este acordo unánime, que en parte “resolve o problema de seguridade que atinxía o estudantado que utiliza o apeadoiro de Vilaño” e como pedían as familias pero , a xuízo da nacionalista, “non resolve de maneira completa a problemática que se deriva dunha lexislación obsoleta en materia de transporte escolar e que na Galiza rexe desde 1986”. Neste sentido, a parlamentaria avanzou que o BNG presentará iniciativas encamiñadas a actualizar, mellorar e equilibrar territorialmente este servizo complementar tan importante para o noso país garantindo, en todo momento, a seguridade viaria das nenas e nenos.
